Bermeoko Udala

Behin betiko esleipena

2009/01/09

KARMELE MUÑOA ARRIGAIN andreak, Bermeoko Udaleko jarduneko idazkariak,

Z I U R T A T Z E N D O T:

2009ko urtarrilaren 7an Tokiko Gobernu Batzarrak erabagi hau agindu dauela:


7.- DATU PERTSONALEN BABESERAKO ARAUDIAREN BETEKIZUNAK ETA EUDELEKO JARDUNBIDE EGOKIEN ESKULIBURUAREN EDUKIAK BETETEKO, AHOLKULARITZA, PRESTAKUNTZA ETA IKUSKARITZA LANAK EGITEKO ZERBITZU KONTRATUA BEHIN BETIKO ESLEITZEA.

Xedea

Datu Pertsonalen Babeserako araudiaren betekizunak eta Eudeleko Jardunbide Egokien Eskuliburuaren edukiak beteteko, aholkularitza, prestakuntza eta ikuskaritza lanak egiteko zerbitzu kontratua behin betiko esleitzea.

Aurrekariak

Lehenengoa: 2008ko irailaren 24an udalaren Tokiko Gobernu Batzarrak, baldintza tekniko eta administratiboak onetsi ebazan, eta baldintzok 1.465. Alkatetza Dekretuz egokitu ziran zemendiaren 10ean.

Bigarrena: 2008ko zemendiaren 10ean 53 enpresari konbitak bialdu ostean, Consultec SL, Segurdades eta Grupo Orbere enpresen eskaintzak jaso ziran; egokon balioztapena eginda, 1.593. Alkatetza Dekretuz, Segurdades enpreseari behin-behingoz esleitu jakon.

Hirugarrena: 2008ko abenduaren 10ean, udal honetako web gunean kontratugilearen profilari jagokon atalean argitara emon zan erabagia eta zemendiaren 12ko urteera erregistroagaz, hiru enpresei jakinarazpena bideratu jake.

Argudioak

Lehenengoa: 2008ko abenduaren 10ean web gunean behin-behineko esleipena argitara emon danetik 15 lanegun igaro dira daborduko, eta ez da behin betiko esleipena eragotziko leuken alegazinorik aurkeztu.

Bigarrena: Segurdades enpreseak, behin betiko esleipena egin aurretik, egin beharreko ondorengo jarduketak egin dauz:

• Behin betiko bermea jarri (1.067,80 €) udal honetako Diruzaintzako bulegoetan.
• Udalak eskatutako dokumentazino orokorraren artean, aurkeztu ez diran dokumentuak edo zuzendu beharreko eremuen onespena aurkeztu, batik bat:

1. Proiektua biltzen dauen eskaintza proposamenaren dokumentazinoan: Ikastaroen lan metodologia ez dator bat baldintza teknikoen 2.2 puntuan adierazotakoagaz
2. Udalak ez dau kontratuaren ezarpen mugatik kanpo bestelako mantenimentu lanen kontraturik egiteko beharrizanik.
3. Fakturetako eta ordaintzeko erea baldintza teknikoetako 7. puntuan adierazotakoa izango da.


Hirugarrena: Sektore Publikoko Kontratuen 20/2007 Legeak arautzen dauzan betekizun guztiak jarraitu dira; behin betiko esleipena egin leiteke.

Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

LEHENENGOA: Udaleko datu pertsonalen segurtasuna bermatzeko ikuskaritza, aholkularitza eta araudiak beteteko zerbitzuaren behin betiko esleipendun SEGURDADES enpresea izentetea.

BIGARRENA: Kontratua 24.772,96 €-an esleitzea. Prezioa 21.356 €, gehi 3.416,96 € (BEZa).

HIRUGARRENA: Enpresa esleituari, esleipen horren indarrez, segidan adierazoten diran jarduketak egin beharko dauzala jakinarazotea:

• 10 laneguneko epean, administrazino honen bulegoetara etorri, kontratua administrazino-agiri gisa formalizetako. Epea, behin betiko esleipena jakinarazoten dan egunaren biharamonetik hasiko da zenbatzen.

Behin betiko esleipena Bermeoko Udalaren web guneko “Kontratistearen Profila” atalean emongo da argitara.
Kontratua formalizau barik geratzen bada, Sektore Publikoko Kontratuen 140. artikuluko 3. eta 4. ataletan adierazotakoa jarraituko da.





Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2009ko urtarrilaren 9an.

ONETSIA
ALKATEA