Bermeoko Udala

Behin betiko esleipena

2011/04/11

AINARA ETXEBARRIA AGORRIA andreak, Bermeoko Udaleko jarduneko idazkariak,

Z I U R T A T Z E N D O T:

2011ko apirilaren 6an Tokiko Gobernu Batzarrak erabagi hau agindu dauela:


8.- JOSE ANTONIO ERAUZKIN ENPARANTZAN ETA ARTIKA BIDEAN JOLAS GUNE BARRIAK EGITEKO OBRA KONTRATUA BEHIN BETIKO ESLEITZEA.

Xedea

Jose Antonio Erauzkin Enparantzan eta Artika Bidean jolas gune barriak egiteko obra kontratua behin betiko esleitzea.

Aurrekariak

Lehenengoa: 2011ko martiaren 9an Tokiko Gobernu Batzarrak Jose Antonio Erauzkin Enparantzan eta Artika Bidean jolas gune barriak egiteko proiektua esleitu eutsan, behin-behinekoz, LAPPSET ESPAÑA VR, S.L. enpreseari, 130.000,00 €-an.

Bigarrena: 2011ko martiaren 14an behin-behineko esleipena Bermeoko Udalaren web orriko kontratugilearen profilean argitaratu zan.

Argudioak

Lehenengoa: Behin-behineko esleipenaren iragarkia legeak agintzen dauen denporan egon da argitaratuta eta, epe horretan, ez da alegazinorik ez erreklamazinorik aurkeztu.

Bigarrena: Bestalde, behin-behineko esleipendunak eginbeharreko jarduketak emondako epean bete dauz.

Hirugarrena: Sektore Publikoko Kontratuei buruzko uriaren 30eko 30/2007 Legeak arautzen dauzan urrats guztiak jarraitu dirala kontuan hartuta, behin-behineko esleipena behin betiko bihurtu leiteke.

Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

LEHENENGOA: Jose Antonio Erauzkin Enparantzan eta Artika Bidean jolas gune barriak egiteko obra kontratua behin betiko esleitzea LAPPSET ESPAÑA VR, SL enpreseari.

BIGARRENA: Kontratuaren prezioa 110.169,49 €-koa (BEZ barik) izango da. BEZari jagokon zenbatekoa 19.830,51 €-koa da (guztira: 130.000,00 €).

HIRUGARRENA: Enpresa esleipendunari jakinarazotea hamar (10) laneguneko epean, behin betiko esleipenaren jakinarazpena jaso eta hurrengo egunetik zenbatzen hasita, kontratua sinatu beharko dauela, eta holan egin ezean udalak kontratua bertan behera itxi ahal izango dauela.




Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2011ko apirilaren 11n.

ONETSIA
ALKATEA