Bermeoko Udala

BEHIN BETIKO ESLEIPENA

2010/07/26

KARMELE MUÑOA ARRIGAIN andreak, Bermeoko Udaleko jarduneko idazkariak,

Z I U R T A T Z E N D O T:

2010eko uztailaren 21ean Tokiko Gobernu Batzarrak erabagi hau agindu dauela:


3.- DOLARIAGA KALEA BARRIZTETAKO OBRA KONTRATUA (II. FASEA) BEHIN BETIKO ESLEITZEA.

Xedea

Dolariaga kalea barriztetako obra kontratua (II. fasea) behin betiko esleitzea.

Aurrekariak

Lehenengoa: 2010eko garagarrilaren 1ean Tokiko Gobernu Batzarrak Dolariaga kalea barriztetako obra kontratua behin-behinekoz esleitzea erabagi eban.

Bigarrena: 2010eko garagarrilaren 5ean behin-behineko esleipena kontratugilearen profilean argitaratu zan.

Argudioak

Bakarra: Behin-behineko esleipenaren iragarkia legeak agintzen dauen denporan egon da iragarrita eta, epe horretan, ez da alegaziorik ez erreklamazinorik jaso. Bestalde, behin-behinekoz proposatutako esleipendunak emondako epearen barruan bete dauz beraren eginbeharrak, eta, ondorioz, legezko urrats guztiak bete dira behin-behineko esleipena behin betiko bihurtzeko.

Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

LEHENENGOA: Dolariaga kalea barriztetako obra kontratua (II. fasea) behin betiko esleitzea, era honetan:

ENPRESEA: CONSTRUCCIONES EDER, S.A.. (IFZ: A-48224257)
PREZIOA: 646.071,86 euro (BEZa kanpo).
EXEKUZINO EPEA: 135 lanegun (4,5 hilebete)
OBRA HONETAN LAN EGINGO DABEN LANGILEAK: 24 langile, horreetatik 7 langabeziatik kontratautakoak izango dira, INEMera lan eskaintzea bideratuta.
HOBAKUNTZAK: Kontratuan jaso beharko dira enpresak aurkeztutako hobakuntza guztiak.

BIGARRENA: Enpresa esleipendunari jakinarazotea hamar (10) laneguneko epean, behin betiko esleipenaren jakinarazpena jaso eta hurrengo egunetik zenbatzen hasita, kontratua sinatu beharko dauela, eta holan egin ezean udalak kontratua bertan behera itxi ahal izango dauela.





Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2010eko uztailaren 26an.

ONETSIA
JARDUNEKO ALKATEA