Bermeoko Udala

BEHIN BEHINEKO ESLEIPENAREN ERABAGIA

2008/06/12

KARMELE MUÑOA ARRIGAIN andreak, Bermeoko Udaleko jarduneko idazkariak,

Z I U R T A T Z E N D O T:

2008ko ekainaren 11n Tokiko Gobernu Batzarrak erabagi hau agindu dauela:


19.- KALIDADEKO EREMUEN INGURUKO EXEKUZINO ETA AHOLKULARITZEA ESKAINTZEKO ZERBITZU KONTRATUA BEHIN-BEHINGOZ ESLEITZEA.

Xedea

Kalidadeko ereduen arabera udalaren funtzionamentua hobetzeko zerbitzu kontratua behin-behingoz esleitzea.

Aurrekariak

Lehenengoa: 2006ko maiatzaren 31n 872. (bis) Alkatetza Dekretuz, Kalidadeko ereduen arabera udal funtzionamentuaren hobekuntzarako eta kalidade sistemen hedapenerako 12 hilebeteko kontratua esleitu zan.

Bigarrena: 2007ko maiatzaren 24an, 515. Alkatetza Dekretuz, kontratuaren urtebeteko luzapena erabagi zan.

Hirugarrena: 2008ko maiatzaren 21ean, ATB batzordean baldintza teknikoak eztabaidatu ostean, finkaturik itxi ziran.

Laugarrena: 2008ko maiatzaren 21eko ATB batzordean, 2008ko bagilean udalak jasoten dauen kalidadeko aholkularitza zerbitzua eten ez daiten kontratazino prozedureari hasikerea emotea ebatzi da.

Bosgarrena: 2008ko maiatzaren 28an Tokiko Gobernu Batzarrak baldintza tekniko eta administratiboak onetsi ebazan.
Seigarrena: Hiru enpresari kontratazino honetan parte hartzeko gonbiteak bialdu jakez, Sektore Publikoaren Kontratuen 30/2007 162.1. artikuluaren arabera. Batik bat: SIC SA, AZARO FUNDAZIOA, ESTRATEGIA LOCAL.

Argudioak

Lehenengoa: 2008ko bagilaren 9a zan eskaintzak aurkezteko azken eguna, Estrategia Localek, dei telefono bidez adierazo dau, aholkularitza eskaintzeko daukien prozedurea beste mota batekoa dala eta ez dabela lizitazino honetan parte hartuko, beste aldetik, Azaro fundazioak, 2008ko maiatzaren 30ean, momentuko lan karga handia dala-eta, ez dabela eskaintzarik aurkeztuko jakinarazo dau, SIC SA enpreseak epean bere eskaintza aurkeztu dau.
Bigarrena: Dagoen proposamen bakarra aztertuta, onartutako baldintzekin bat dator eta udalaren beharrizanetara erabatean egokitzen da, tekniko zein ekonomikoki.

Hirugarrena: 2008ko maiatzaren 22ko kontu hartzailearen txostenaren arabera, kontratua burutzeko behar beste kontsignzaino dago.

Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

LEHENENGOA: Kalidadeko ereduen arabera udalaren funtzionamentua hobetzeko zerbitzu kontratuaren esleipendun SIC SA enpresea izentetea.

BIGARRENA: Kontratua 36.000,00 €tan esleitzea. Prezioa, 31.034,48 €koa da, gehi 4.965,51 € (BEZa).

HIRUGARRENA: Enpresa esleituari, esleipen horren indarrez, segidan adierazoten diran jarduketak egin beharko dauzala jakinarazotea:

• Behin betiko bermea jarri (1.551,72 €) udal honetako Diruzaintzako bulegoetan.
• Udalak eskatutako dokumentazino orokorraren artean, aurkeztu ez diran dokumentuak aurkeztu.


15 eguneko epea igarota, behin betiko esleipena egingo da, gitxienez, 10 egunetan web guneko Kontratugilearen Profila deitzen dan atalean iragarrita egon ostean.

LAUGARRENA: SIC SA enpreseari erabagi honen barri ematea jagokon jakinarazpenaren bidez.



Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2008ko ekainaren 12an.

ONETSIA
ALKATEA