Bermeoko Udala

BEHIN BETIKO ESLEIPENA

2010/04/08

KARMELE MUÑOA ARRIGAIN andreak, Bermeoko Udaleko jarduneko idazkariak,

Z I U R T A T Z E N D O T:

2010eko martxoaren 31n Tokiko Gobernu Batzarrak erabagi hau agindu dauela:

17.- BERMEOKO HIRIBUSAREN (BERMIBUSA) ZERBITZU PUBLIKOAREN KUDEAKETEA EGITEKO ZERBITZU KONTRATUA BEHIN BETIKO ESLEITZEA.

Xedea

Bermeoko hiribusaren (Bermibusa) zerbitzu publikoaren kudeaketea egiteko zerbitzu kontratua behin betiko esleitzea.

Aurrekariak

Lehenengoa: 2010eko urtarrilaren 20an Tokiko Gobernu Batzarrak “Bermeoko hiribusaren (Bermibusa) zerbitzu publikoaren kudeaketa” egiteko zerbitzu kontratuaren baldintza-agiriak onartzea eta deialdia zabaltzea erabagi eban.

Bigarrena: Aitatutako kontratazinoa publizitate eta guztiko prozedura negoziatuaren bidez bideratu ostean, 2010eko martiaren 10ean Tokiko Gobernu Batzarrak “Bermeoko hiribusaren (Bermibusa) zerbitzu publikoaren kudeaketa” egiteko zerbitzu kontratua EXCURSIONES TUÑEZ SANCHEZ, SL enpreseari behin-behinekoz esleitzea erabagi eban.

Hirugarrena: 2010eko martiaren 10ean behin-behineko esleipena Bermeoko Udaleko web orriko kontratugilearen profilean argitaratu zan.

Argudioak

Lehenengoa: Behin-behineko esleipenaren iragarkia legeak agintzen dauen denporan egon da argitaratuta eta, epe horretan, ez da alegazinorik ez erreklamazinorik aurkeztu.

Bigarrena: Behin-behineko esleipendunak eginbeharreko jarduketak emondako epean bete dauz: Ekonomi Jardueren ganeko Zergatik salbuetsita dagoala erakusten dauen ziurtagiria aurkeztea eta behin betiko bermea ipintea, (3.112,50 €), hain zuzen be.

Hirugarrena: Sektore Publikoko Kontratuei buruzko urriaren 30eko 30/2007 Legeak arautzen dauzan urrats guztiak jarraitu dirala kontuan hartuta, behin-behineko esleipena behin betiko bihurtu leiteke.

Laugarrena: Bestalde, behin-behineko esleipenaren eta behin betikoaren artean, herritarren eskariak dirala-eta, egokitzat jo da Bermibusaren ibilbidean geltoki bi gehiago sartzea, herriko beste gune bi sartzeko ibilbidean: Txibitxaga eta Tala. Hori holan, behin betiko esleipena egiteaz ganera, baldintza-agirien aldaketea onartu behar da Sektore Publikoko Kontratuei buruzko urriaren 30eko 30/2007 Legeak emoten dauzan ahalmenetan oinarrituta, ibilbide eta geraleku horreek sartzeko eta, ondorioz, zerbitzuaren maiztasuna murrizteko, ibilbide hori egiteko denpora gehiago behar dalako.

Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

LEHENENGOA: Baldintza-agiri Teknikoen Orrietako 4., 5. eta 6. atalak aldatzea; eta holan geratuko dira:

*4.- IBILBIDEA:

Hiribusaren (Bermibusaren) ibilbidea, honakoa izango da:

- Lamera (urteera).
- Txibitxiaga kalea.
- Askatasun bidea.
- Erreñezubi kalea.
- Ondarraburu kalea.
- Artieda tar Iñigo kalea.
- Zubiar tar Kepa kalea.
- Martin Deuna kalea.
- Bizkaiko Jaurerria kalea.
- Arresi kalea.
- Tonpoi bidea
- Talako Andra Mari kalea (Haur eskola).
- Bakioko bidea (kiroldegira)
- Aritzatxu bidea
- Zubiaur tar Kepa kalea.
- Lamera (helmuga).

5.- GELTOKIAK:

- Lamera (urteera).
- Txibitxiaga kalea.
- Erribera enparantzako geltokia.
- San Andreseko geltokia.
- Zubiaur tar Kepa kaleko geltokia.
- Lumako geltokia.
- San Juan Portalea.
- Talako Andra Mari kalea (Haur eskola)
- Hilerriko geltokia.
- Kiroldegia.
- Zubiaur tar Kepa kaleko geltokia (itzulera).
- Lamera (helmuga).

6.- EGUTEGIA ETA ORDUTEGIA:

Bermibusaren zerbitzua, lan egunetan emongo da, astelehenetik barikura (jai egunetan izan ezik).

Lehenengo Bermibusa 7:45ean urtengo da Lameratik eta, azkena, 14:30ean. Berrogeta bost minuturo urtengo dira Lameratik Bermibusak. Dana dala, trafiko arazoak edo bestelako eragozpenak kontuan izanda, ezinezkoa izango balitz denpora horretan ibilbide osoa egitea, kontratuan zehaztuko da ibilbidearen iraupen barria, ibilbidea egiteko behar dan benetako denporea kontuan izanik.

BIGARRENA: “Bermeoko hiribusaren (Bermibusa) zerbitzu publikoaren kudeaketa” egiteko zerbitzu kontratua EXCURSIONES TUÑEZ SANCHEZ, SL enpreseari behin betiko esleitzea.

HIRUGARRENA: Kontratuaren prezioa 62.250,00 €-koa (BEZa kanpo) izango da. BEZari jagokon zenbatekoa 4.357,50 €-koa da (Guztira: 66.607,50 €).

LAUGARRENA: Enpresa esleipendunari jakinarazotea hamar (10) laneguneko epean, behin betiko esleipenaren jakinarazpena jaso eta hurrengo egunetik zenbatzen hasita, kontratua sinatu beharko dauela, eta holan egin ezean udalak kontratua bertan behera itxi ahal izango dauela.






Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2010eko apirilaren 6an.

ONETSIA
ALKATEA