Bermeoko Udala

BEHIN BETIKO ESLEIPENA

2010/03/08

KARMELE MUÑOA ARRIGAIN andreak, Bermeoko Udaleko jarduneko idazkariak,

Z I U R T A T Z E N D O T:

2010eko martxoaren 3an Tokiko Gobernu Batzarrak erabagi hau agindu dauela:


32.- “LAGUNTZA PSIKOSOZIALA, ERLAZIOZKO ARRETA ETA KOMUNIKAZIO-ARRETA ERAKUNDEETAN” PRESTAKUNTZA IKASTAROA EMOTEKO ZERBITZU KONTRATUA BEHIN BETIKO ESLEITZEA.

Xedea

“Laguntza psikosoziala, erlaziozko arreta eta komunikazio-arreta erakundeetan” prestakuntza ikastaroa emoteko zerbitzu kontratua behin betiko esleitzea.

Aurrekariak

Lehenengoa: 2009ko abenduaren 16an Tokiko Gobernu Batzarrak “Laguntza psikosoziala, erlaziozko arreta eta komunikazio-arreta erakundeetan” prestakuntza ikastaroa emoteko zerbitzu kontratuaren gastua onartzea, baldintza-agiriak onartzea eta deialdia zabaltzea erabagi eban.

Bigarrena: 2010eko urtarrilaren 20an Tokiko Gobernu Batzarrak zabaldutako zerbitzu kontratuaren prozedurea, publizidade bako negoziazino bidez, hutsik deklaretea eta barriro hiru enpresari gonbidapenak bialtzea erabagi eban.

Hirugarrena: Aitatutako kontratazino prozedura negoziatuan (publizidade gabe) parte hartzeko hiru (3) enpresari gonbidapenak bialdu ostean, 2010eko zezeilaren 10ean Tokiko Gobernu Batzarrak “Laguntza psikosoziala, erlaziozko arreta eta komunikazio-arreta erakundeetan” prestakuntza ikastaroa emoteko zerbitzu kontratua HEZI ETA IKASI, SL enpreseari behin-behinekoz esleitzea erabagi eban.

Laugarrena: 2010eko zezeilaren 11n behin-behineko esleipena Bermeoko Udaleko web orriko kontratugilearen profilean argitaratu zan.

Argudioak

Lehenengoa: Behin-behineko esleipenaren iragarkia legeak agintzen dauen denporan egon da argitaratuta eta, epe horretan, ez da alegazinorik ez erreklamazinorik aurkeztu.

Bigarrena: Bestalde, behin-behineko esleipendunak eginbeharreko jarduketea emondako epean bete dau: behin betiko bermea ipintea (2.550,00 €), hain zuzen be.

Hirugarrena: Sektore Publikoko Kontratuei buruzko urriaren 30eko 30/2007 Legeak arautzen dauzan urrats guztiak jarraitu dirala kontuan hartuta, behin-behineko esleipena behin betiko bihurtu leiteke.

Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

LEHENENGOA: “Laguntza psikosoziala, erlaziozko arreta eta komunikazio-arreta erakundeetan” prestakuntza ikastaroa emoteko zerbitzu kontratua HEZI ETA IKASI, SL enpreseari behin betiko esleitzea.

BIGARRENA: Kontratuaren prezioa 51.000,00 €-koa (BEZ barik) izango da. Prezioa BEZetik salbuetsita dago.

HIRUGARRENA: Enpresa esleipendunari jakinarazotea hamar (10) laneguneko epean, behin betiko esleipenaren jakinarazpena jaso eta hurrengo egunetik zenbatzen hasita, kontratua sinatu beharko dauela, eta holan egin ezean udalak kontratua bertan behera itxi ahal izango dauela.




Eta honela izan daiten eta ondorio egokiak eragin daizan, alkate jaunaren aginduz eta onetsiaz, ziurtagiri hau idazten dot, eta bere xedea dan erabagia onartu barik dagoan akta batean dagoala adierazoten deutsut, behin betiko onespenaren menpean dagoela ohartarazota, Bermeon, 2010eko martxoaren 8an.

ONETSIA
ALKATEA