Bermeoko Udala

Bermeoko Herri Babesak Madalen Egunean, uztailaren 22an, itsas jaian parte hartuko duten itsasontziei Bizkaiko Itsas Kapitaintzak ezarritako segurtasun neurriak errespetatzeko eskatzen die segurtasuna bermatzeko helburuarekin.

Horrela, Bermeoko Herri Babesak gogoratu duenez, Bizkaiko Itsas Kapitaintzaren neurriek honakoa adierazten dute: itsas jaian ezin izango dute parte hartu lau metroko luzera baino gutxiago duten itsasontziek, belaz nabigatzen ari diren itsasontziek, arraunez mugitzen diren itsasontzi edo tresnek (piraguak, kayak, paddle surf tablak…), beste era bateko ur gaineko tresnek, ezta ere sei metro baino gutxiagoko itsasontzi pneumatikoek edo ur motoek, segurtasun taldekoak direnak izan ezik.  

Horrez gain, itsasontzietako aforoa errespetatu behar dela adierazi dute. “Garrantzitsua da neurriak betetzea jaietan segurtasuna bermatzeko”, adierazi du Bermeoko Herri Babesak