Bermeoko Udala

• Helburu nagusia merkataritza eta enpresa arloan euskararen erabilera sustatzea eta establezimenduetako identifikazio ikurrak euskaraz jartzea da.
• Laguntza eskatzeko azkenengo eguna abenduaren 15a izango da eta Bermeoko Udaleko egoitza elektronikoaren bitartez egin beharko da

Bermeon, 2023ko ekainaren 29an.-  Merkataritza eta enpresa arloan euskararen erabilera sustatzea eta establezimenduetako identifikazio ikurrak euskaraz jar daitezen laguntzeko xedez, Bermeoko Udalak herriko merkataritza establezimenduetan errotuluak euskaraz ipintzeko dirulaguntza deialdia argitaratu du.

Horretarako, 300 eurora arteko dirulaguntzak emango ditu udalak errotulu bakoitzeko. Hori bai, eskatzaileak, errotulua jarri aurretik, errotuluaren zirriborroa aurkeztu beharko du, aurreikusitako testuarekin. Ondoren, jatorrizko faktura aurkezteaz gain, ipinitako errotuluaren argazkia ere aurkeztu beharko du.

Interesdunek abenduaren 15era arte izango dute laguntza eskatzeko aukera eta Bermeoko Udaleko egoitza elektronikoaren bitartez egin beharko da:

https://www.tramiteakonline.bermeokoudala.eus/sede/index.php?id=erregistro_telematikoa

Honakoak dira, besteak beste balorazio irizpide zehatzak: errotulua euskaraz idatzita egotea, errotuluaren testua zuzen idatzita egotea, hala badagokio, hirigintzako lizentzia eskatuta izatea, elementu bat baino gehiago ipini gura badira, bakoitzari dagozkion agiriak aurkeztea, Bermeoko Udalarekin zorrik ez izatea eta establezimenduak errotulua lehenengo aldiz euskaraz jartzea.

Dirulaguntzei buruzko informazio gehiago nahi izanez gero:

- Telefonoa: 94 617 9122

- Helbide elektronikoa: euskera@bermeo.eus 

- https://www.bermeo-euskaraz.eus/diru-laguntzak