Bermeoko Udala

•  Bermeoko Hiri Berroneratze Proiektu Pilotuaren barruan, onurak sortu nahi dira, bai kolektibo jakin batentzat, bai herritarrentzat

Bermeon, 2023ko abuztuaren 2an.- Bermeok mural berria estreinatu du Nardiz tar Jon kalean. Fatxada bat hartzen duen horma-pintura handi bat da, Bermeoko itsasontzietako saregileen lana irudikatzen duena. Ideia Bermeoko Udalak udazkenean Lanbideren zuzendaritzapean abian jarritako Hiria Berroneratzeko Proiektu pilotutik sortu da.

Gaur goizean bertan, Bermeoko Udaleko, Lanbideko, Sartuko kideek eta proiektuko parte-hartzaileek saregileen murala aurkeztu dute, zeinak emakumeek arrantzarako tresneria eta aparailuak egin eta zaintzen dituzten ehunka urte dituen eskulangintzako lanbidea omentzen duen. Urtetan zehar, Bermeoko ehunka saregileek funtsezko lana egin dute baxurako arrantza-flotak arrantza-kanpainak egiteko behar izan zuen antolaketa-prozesuan.

Ekimena Bermeoko Hiria Berroneratzeko Proiektu Pilotuaren barruan dago, eta talde jakin batentzat zein herritarrentzat onurak sortzea du helburu. Prestakuntza eta enplegua uztartzen dituen programa da, eta Europako Next Generation laguntzek babesten dute. Hala, Bermeoko Udalak, Lanbideren zuzendaritzapean, Sartu kooperatiba kontratatu du hiria berroneratzeko proiektu hori gauzatzeko.

Lanbidek, bestalde, ausaz hautatu ditu Bermeoko eta inguruko hamabost gizon eta emakume, DSBEa (Diru-sarrerak Bermatzeko Errenta) edota bizi-diru-sarrera minimoa jasotzen zutenak, ekimen berritzaile horretan parte hartzeko. Ekimen horrek aukera eman die beren enplegagarritasuna hobetzeko, laneratzea sustatzeko eta, bide batez, komunitatearen subjektu aktiboaren rola berreskuratzeko.

"Proiektu pilotua arrakasta handia izaten ari da, eta gauzak ondo badoaz, antzeko proiektuak gauzatzeko aukera baloratuko dugu", adierazi du Maria de Frutos Olasagasti proiektuaren koordinatzaileak.
Taldea Bermeon egiten ari den lanaren erakusgarri, gaur goizean bertan aurkeztu den Nardiz tar Jon kaleko saregileen murala eta Bermeoko Talan dagoen Osakidetzaren Osasun Mentaleko zentroko murala daude.

Bi hilabeteko oinarrizko prestakuntzaren ondoren, 2022ko udazkenean, proiektua osatzen duten hamabost pertsonek aipatutako bi muralak egin zituzten. Horrela, urtarriletik maiatzera muralismoa lantzen aritu dira, eta orain, ordea, 2023ko urriaren amaierara arte jarraitzea espero den eraikuntza-proiektuari jarraipena ematen ari zaio.