Bermeoko Udala

Bermeoko Udalaren Zaharren Egoitzako egoiliarrek Gabonetako postalak egin zituzten eta postal horiek abenduan saldu zituzten helburu solidarioekin. Horrela, postalen  salmentarekin lortutako dirua, 146,89 euro, hain zuzen ere, ASPANOVAS Bizkaia, Bizkaiko Minbizidun Haurren Gurasoen Elkarteari eman diote.

Egoiliarrek egindako Gabonetako postalak abenduan udalaren zaharren egoitzako sarreran saldu ziren, prezio zehatzik gabe, hau da, pertsona bakoitzak borondatea ASPANOVASen itsulapikoan sartu zuen, eta itsulapiko hori ASPANOVAS elkarteari eman diote.

Bermeoko Udalaren Zaharren Egoitzako egoiliarrek ilusio handiarekin egin zituzten Gabonetako postalak, batez ere, jakin bazekitelako helburu solidarioak lortzeko egiten dituztela.