Bermeoko Udala

Bermeon, 2022ko apirilaren 1ean.- Udaberrian apoak erreka eta urmael handietara gerturatzen dira ugaltzeko. Artika auzoa horren adibide bikaina dugu, izan ere, sasoi honetan ehundaka apo ikusi ditzakegu inguru honetan babestutako errekara bidean. Hau dela eta, Bizkaiko Foru Aldundiak biodibertsitatea babesteko zenbait mantenu eta egokitzapen lan egin ditu eta ohartarazpen kartelak ere kokatu ditu Artika auzoan. Basalaneko langileek bide ertzetako belar eta sustraien garbiketa egiteaz gain, harrizko hormetan zenbait pasabide egokitu dituzte apoak errekara heltzeko aukera izan dezaten.

Ekimen hauen helburua bikoitza da; biodibertsitatea babestea eta herritarrak sentsibilizatzea. Zentzu horretan eta biodibertsitatea zaintzea herritarron bizi-kalitatea hobetzearekin zuzenean lotuta dagoela azpimarratuz, udalak bat egiten du helburu hauekin. Hori, bada, ekimena sustatzeaz gain, iniziatiba hauek balioan jarri nahi ditu Udalak herritarrei kolaborazioa eta inplikazioa eskatuz.