Albisteak

Albistea

Bermeok bere txakurgune berria ireki du

Guztira, 33.064,46 euro inbertitu dira eta instalazioa 24 orduz zabalik egongo da, txakurren jabeek nahi dutenean erabili dezaten 

Bermeon, 2020ko otsailaren 14an.- Bermeotarrek euren maskotak kalera ateratzeko aukera berria izango dute gaurtik aurrera. Izan ere, Bermeoko Udalak txakurgune berria ireki du, herritarrek euren txakurrak gune honetan libreki ateratzeko. Espazio honek, gutxi gora behera, 1.200 m2 ditu eta hesituta dago animaliak solte egoteko. Ordutegirik ez da egongo eta jabeek instalazio hau 24 orduz erabili ahal izango dute. Honenbestez, Udal Gobernuak agintaldi hasieran markatu zuen helburuetako bat bete du, txakurgunea irekitzea, alegia. 

Guztira, 33.064,46 euro inbertitu dira eta espazio berri honek ‘Picnic’ mahaiak, iturria, zakarrontziak eta txakurrentzako agility jolasak ditu (salto egiteko hesiak, tunelak, igarobideak, slalom-a…). Hala ere, nahiz eta txakurrak solte egon ahal izango diren, txakurguneak bere arauak izango ditu. Animaliak identifikatuta egon beharko dira eta euren txertoak eguneratuta izan beharko dituzte. Gainera, kontrolatutako txakurrak baino ezingo dira sartu.

 Segurtasuna dela eta, umeek eta txakur arriskutsu edo gaixoek sarrera debekatuta izango dute. Gainera, kalean bezala, animalien gorotzak bildu beharko dira. Noski, txakurren kontrako tratu txarrak erabat debekatuta egongo dira eta animalien ardura jabeena izango da momentu oro.

 Instalazio berri oni esker, bermeotarrek zerbitzu berri bat izango dute, bizi kalitatea hobetzen lagunduko duena.

 

 

14 / 02 / 2020

Beste barriak

Bermeoko Udala

010 (94 617 91 00)
Arana eta Goiri tar Sabinen
enparantza z/g
48370 Bermeo - Bizkaia
antolakuntza@bermeo.eus

bikain ziurtagiria WAI-AA WCAG 1.0