Bermeoko Udala

Roberto Aguado psikologoak bihar, maiatzaren 14an, martitzenean, “Liderazgo intrapersonal. Capacidad de vivir en grupo sin que se disuelva tu esencia” hitzaldia eskainiko du Bermeoko Nestor Basterretxea aretoan, 18:00etan.

Hitzaldi hori Bermeoko Udalak antolatzen du eta sarrera dohainik da. Roberto Aguado psikologoa da, psikologia klinikoan, psikoterapian eta hipnosi klinikoan aditua, besteak beste. Horrez gain, irakaslea da, hainbat master zuzentzen ditu eta psikologiari eta V.E.C adimenari (Ikerketa neurologikoan oinarritutako adimen emozionalaren lehenengo eredua eta bakarra) buruzko hainbat liburu idatzi ditu.

Era berean, Roberto Aguado Bermeoko udal langileen artean lanean dabil azken bi urteetan, emozioen kudeaketa lantzen, Bermeoko Udalak kudeaketaren beste eredu baten aldeko apustua egiten duelako.

Hitzaldi hau “benetan oso interesgarria” izango dela adierazi du Bermeoko Udalak eta herritar guztiak gonbidatu ditu, bere ustez, “esperientzia aberasgarria izango delako”.