Bermeoko Udala

Bermeoko Udal Kirol Patronatuak ‘emakumeen autodefentsa’ ikastaroa antolatu du, martxoaren 9an, zapatuan, goizeko 11:00etan, Araneko kiroldegian, Hileko Kirol ekimenaren barne. 

Bermeoko Udal Kirol Patronatuak adierazi duenez, oinarrizko autodefentsa ikastaro hori “baliabide garrantzitsua da emakumeen ahalduntzea lortzeko egin beharreko bidea errazteko”. 

“Ikastaro horrekin indarkeriaren aurrean emakumeen burua defendatzeko eskubidea eta beharrizana sendotu nahi dugu”, gaineratu du. Ildo horretan, jakinarazi duenez,  ikastaroko partaideen iritzia jasoko da eta, “egokia ikusten bada, autodefentsa tailer sakonagoa eskaintzeko aukera aztertuko da”.                                                                               

Saio hau abonatuentzat euro bat izango da eta bi euro ez abonatuentzat eta parte hartu nahi dutenek izena eman behar dute Araneko kiroldegian. Bermeoko Udal Kirol Patronatuak ‘autodefentsa’ saio honetan parte hartzera animatu ditu emakumeak.