Albisteak

Albistea

Bermeoko Udalak asfaltatze lanak egingo ditu kiroldegiko bidean, Aritzatxu bidean eta Zubiaur Tar Kepan

 

Bermeoko Udalak  asfaltatze lanen kanpaina hasi du,  eta, Benito Ibarrolazak, alkateordeak eta Zerbitzuetako zinegotziak, adierazi duenez, lan horien helburua da kaltetutako guneak konpontzea. Asfaltatze lan horiek honako kaleetan egiten ari direla gaineratu du: Bermeoko kiroldegiko bidean eta inguruan; Aritzatxu bidean; eta zeharbidean, hau da, Zubiaur tar Kepa kalean, Aritzatxu bidea eta sarrerako biribilgunearen artean.

Horrez gain, Ibarrolazak azaldu duenez,  herriko hainbat kaleetan dauden zuloak eta zenbait akats konponduko ditu Udalak. Lan horiek, besteak beste, Arresi, Atalde, San Martin, Talan eta Teodoro Anasagasti kaleetan egingo ditu Udalak.

Bestalde, alkateordeak adierazi duenez, irisgarritasuna hobetzeko, ibilgailuen abiadura murrizteko eta segurtasuna bermatzeko, Bermeoko Udalak zeharbideko hiru zebrabide eta Artike kaleko beste bat goratuko ditu eta espaloiaren neurrian jarriko ditu.

Lan horiek guztiak egiteko epea lau astekoa da, beti ere eguraldiak laguntzen badu. Asfaltatze lanak amaituta, margo-lanak hasiko ditu Bermeoko Udalak.

 

04 / 10 / 2017

Beste barriak

Bermeoko Udala

010 (94 617 91 00)
Arana eta Goiri tar Sabinen
enparantza z/g
48370 Bermeo - Bizkaia
antolakuntza@bermeo.eus

bikain ziurtagiria WAI-AA WCAG 1.0