Bermeoko Udala

Bermeoko Berton Elkarteak urtero antolatzen duen Merke-Merke azoka abuztuaren 5ean, zapatuan, izango da Taraskan.  15 saltoki inguru egongo dira,  eta horietan mota askotako produktuak eskuratu ahal izango dira, besteak beste, ume, gazte, gizon eta andrazkoentzako arropak eta oinetakoak, lentzeria, eta te-dendako produktuak (tea, espeziak, txokolatea…). 

Horrela, kalitatezko produktuak prezio ekonomikoetan eskuratu nahi dituzten pertsona guztiek Merke-Merke azokara bertaratu daitezke, zapatuan, abuztuaren 5ean, Taraskara, goizeko 10:00etatik iluntzeko 21:00etara.  

Antolatzaileek adierazi dutenez, Merke-Merke azokarekin herriko dendak herritarrengana hurbiltzen dira, eta, horrez gain, horietan kalitatezko produktuak prezio erakargarrietan eros daitezke. Horrela, zapatuan, herritarrei Merke-Merke azokara etortzeko gonbitea luzatu die.