Bermeoko Udala

Athletic Fundazioak antolatuta, ekainaren 18an, domekan, Bermeoko Lamerak ‘Athletic herriz herri’ ekimena hartuko du goizeko 10:30etik 14:30era. Ekimen horren barne umeek gozatzeko aukera pila izango dituzte Bermeon, besteak beste, giza futbolina, puzgarriak, ludoteka, makillaje tailerra, futbol txapen tailerra eta marrazki lehiaketa izango baitira. 

Horrez gain, atezaintza puzgarri bat egongo da baloi adimentsu batekin, eta photocall-ean ere argazkiak egiteko aukera izango dute bertaratzen diren guztiek. Aurkezle batek ekimena girotuko du jokoekin eta galderekin. Lamera guztia Athletic-eko koloreekin eta musikarekin girotuta egongo da. 

Athletic Fundazioak adierazi duenez, ekimen horren helburu nagusia da Athletic-en eta, orokorrean, futbolaren izaera ludikoa eta ez lehiakorra aldarrikatzea. 

Hortaz, domekan umeek eta nagusiek ‘Athletic herriz herri’ ekimenarekin ondo pasatzeko aukera izango dute Bermeon. Horrela, Athletic Fundazioak eta Bermeoko Udalak herritar guztiak gonbidatu dituzte ekimen horretan parte hartzera.