Bermeoko Udala

12-16 urte arteko gaztetxoek hitzordu garrantzitsua dute barikuan, urtarrilaren 20an, 18:00etatik 21:00etara, Bermeoko Kultur etxeko Gaztelekuan, izan ere, eurentzako GAZTE JAIA antolatu du Bermeoko Udalak. 

Juan Karlos Agirrek, Gazteria zinegotziak, azaldu duenez, “GAZTE JAIAN ondo pasatzeko aukera pila izango dute gaztetxoek”. Horrela, besteak beste, mahai-futbol txapelketa izango da, eta musika entzuteko eta zerbait jan eta edateko aukera izango dute bertaratutakoek. Horrez gain,  CDak zozkatuko dira eta hainbat sorpresa egongo dira jai dibertigarri honetan. 

Agirrek adierazi duenez, GAZTE JAIAN “gaztetxoen iritziak, beharrizanak eta gustuko dituzten gauzak ere ezagutu nahi ditugu, hurrengo hilabeteetako Gaztelekuko ekintzak antolatzeko orduan euren ekarpenak kontuan izatea oso garrantzitsua baita Udalarentzat”. 

Agirrek 12-16 urte arteko gaztetxoei jai honetan parte hartzera gonbidatu die “giro onean ekintza politekin gozatzeko aukera izango dutelako”.