Bermeoko Udala

Udako oporrak igarota, Nestor Basterretxea Aretoko zinemak denboraldi berria hasiko du zapatuan, irailaren 23an, ‘Kingsman. El círculo de oro’ pelikularen proiekzioarekin.  

Ordutegiei dagokienez, ‘Kingsman. El círculo de oro’, 16 urtetik gorakoei zuzendutako pelikula, zapatuan, irailaren 23an, 19:30ean eta 22:00etan ikusteko aukera egongo da,  eta domekan, irailaren 24an, 19:30ean. Astelehenean, irailaren 25ean, ikuslearen egunean, 19:00etan eta 21:30ean ikusi ahal izango da filma. 

Urrian zehar hainbat estreinaldi izango ditugu, hala nola, nagusien ‘Los misteriosos asesinatos de Limehouse’, ‘Handia’ eta ‘Blade Runner 2049’  pelikulak eta umeen ‘Diario de Greg. Carretera y manta’, Emoji’ eta ‘Capitán calzoncillos’ filmak ikusteko aukera egongo da Bermeoko Nestor Basterretxea aretoko zineman. 

Prezioei dagokienez, berdin mantenduko dira. Hortaz, nagusien sarrerak 5,20 euro dira, umeen pelikulenak 4, 20 euro eta ikuslearen egunean 4,50 euro da sarrera.