Bermeoko Udala

Bermeon zapatuan, ekainaren 3an, egitekoa zen Scooter Euskal Ligaren 3. jardunaldia atzeratu egingo da, egun horretarako eguraldi txarra aurreikusita dagoelako. Data berria zehazten den momentuan jakinaraziko da.

Aurten, 2017an, lehenengo aldiz egiten da ‘Scooter Euskal Liga’, eta bi geldiune izango ditu Bizkaian, bi Araban eta bi Gipuzkoan. ‘Scooter Euskal Liga’ El Establo Pirata kirol klubak antolatzen du. Klub horrek lau urte daramatza skate-a bultzatzen eta scooterren eskola ere badu. Ekimen askoren antolakuntzan parte hartu du talde horrek (lehiaketak, sportjam…) eta Iruneko euren klubean ere lehiaketa asko antolatu ditu, toki guztietako riders-ak batuz.