Albisteak

Albistea

Bermeoko tabernek euren terrazak handitu ahal izango dituzte, ahal den kasuetan

Interesa duten ostalariak Udalarekin jarri beharko dira harremanetan eta eskariak banan-banan aztertu ondoren, posible den kasuetan baimena emango da 

Bermeon, 2020ko maiatzaren 12an.- Irekiera fase berri honetan tabernek euren pertsianak ireki ahal izango dituzte. Hori bai, baldintza batzuekin. Bada, egoera hau arintzeko eta irekiera hori errazteko, Bermeoko Udalak tabernen terrazak handitzea ahalbidetuko du, betiere posiblea den kasuetan. Horretarako, ostalariek eskaera egin beharko diote Udalari eta, handitzeko aukera egongo balitz, Udalak baimena emango du.

Negozioen irekiera erraztea helburu duen laguntza neurri hau aurretik hartu diren beste batzuei gehitzen zaio. Izan ere, Bermeoko Udalak alarma egoerak irauten duen bitartean ez du terrazen gaineko tasarik kobratuko. Gainera, sastar-batze tasaren gainean ere deskontuak egingo ditu. Bada, hartutako azken neurriekin Udalak erraztasunak eman nahi dizkio osasun krisi hau dela eta euren establezimenduak itxi behar izan dituen sektore honi.

12 / 05 / 2020

Beste barriak

Bermeoko Udala

010 (94 617 91 00)
Arana eta Goiri tar Sabinen
enparantza z/g
48370 Bermeo - Bizkaia
antolakuntza@bermeo.eus

bikain ziurtagiria WAI-AA WCAG 1.0